Buscar en este blog

domingo, 6 de noviembre de 2011

CANTIGAS DO SAMAÍN



O samaín xa chegou
e con el a xente nosa,
que a escura raia pasou,
xa saíu da negra fosa.

Temos que prender o lume
e nel asar os bullós;
ten que verse ben o fume
para que cheguen onda nós.

Temos que tratalos ben
pois de lonxe veñen vernos;
algún día nos tamén
voltaremos dos avernos.

Que se senten onde as chamas
e que os coman ao quentiño,
que se deiten nesas camas,
deles foran aloumiño.

Canda eles comeremos
e beberemos bo viño
e con eles cantaremos
cantigas para o camiño.

Chegando o día se irán
e quedará a escuridade,
mais as lúas pasarán,
despois virá a claridade.

O samaín xa chegou
e con el a xente nosa,
que a escura raia pasou,
xa saíu da negra fosa.
  
Safe Creative #1111050455166

4 comentarios:

  1. Cantiga ben redonda, para lle poñer música!

    Aínda que lonxe, vese ben o que che gusta esta terra...

    Biquiños.

    ResponderEliminar
  2. RAPAZ, EU NON FARLO O GALEGO. AGUS

    ResponderEliminar
  3. Moitas grazas, Concha. E logo! Gústame e quéroa...

    ResponderEliminar
  4. ¡Agus! Non falas galego, mais a este paso non tardarás moito.
    Unha aperta.

    ResponderEliminar